ማርያም እናበልና ብሓባር ኩልና

ብኣምላኽ ንተሓጐስ ሃሌ ሉያ እናበልና

ሎሚ ካብ ሱር እሰይ ዕንባባ ዓንቢቡልና

ሓጢኣት ኣዳም ዘይበጽሓ ካብ ተወልደትልና

ንልዑል ፈጣሪ ነመስግን ሓቢርና

ናይ ፍቕሪ ትሕትና ምንጪ ዝኾንክና

ምእንቲ ወድኺ ብፍቕሪ ምልእና

ልብኺ ኣብርህልና ተስፋ ክኾነና

ንኸይንወድቕሲ መስቀል ወድኺ ኣሎና

ንስኺ'ውን ከምኡ ንዒ ኣማልድልና

ኣምላኽ ሓርዩኪ መን'ዩ ዝጸልኣኪ

እንታዋይ ፍጡር ኣሎ ዝመሳሰል ምሳኺ

ኣየናይ ፍጡርኪ ብጥራሽ ዘይፈልጠኪ

ነዝስ እንታይ ክብል እንታይ ክምልሰልኪ

ኣብ ሰማይ ኣብ ምድሪ ብኹሉ ከቢርኪ

ክዝምር ጀመርኩ መንፈሰይ ኣብሪሀ

ንዓኺ ክውድስ ምስ ሰባት ሓቢረ

ዘይክእል ኮይነ እንበር ፍቕርኺ ኣሳዊረ

ኣብ ትሕቲ ዕጸ መስቀል ንዓኺ ዘኪረ

ሃልሃልት ፍቕርኪ ኣብ ልበይ ኣስፊፈ