ቃልካ እዩ ዘልኣለማዊ ቃልካ እዩ ህያው

መንገድኻ እዩ ብርሃን ንእግረይ ዘይዕንቅፍ

ተኸቲለ እንድየ ክምራሕ መንፈስካ ኣብ ውሽጠይ

ምስጋናኻ እባርኽ ኣወፍየ ሂወተይ(2)

ንእስቲ መጋሰይ ቃልካ እናሰምዐት ትዓቢ

ፍቅርኻ ተጸጊዓ ምሕረትካ ተናዲ

ድኻማ ተዕርፍ በቲ ህያው ቃልካ

ድሕነት ትረክብ ተሓጺባ ብኽቡር ደምካ

ከም ፍጡር ክነብር ብእስትንፋስካ ክሰርር

ካብ ፍጥረታትካ ሓደ ተምሳልካ ከኽብር

ብሕግኻዩ ፈጣሪ ኩሉ ዓለም ዝነብር

ሓላዊኤይ አኻ ንስኻ መንግስትኻ ትኽበር

ጸጋኻ እዩ ሓይለይ ዓለም ከይትውሕጠኒ

ናይ ዘልኣለም ዋሕሰይ ናይ ስጋ ይትረፈኒ

ሃብቲ ብዕዩ ናይዛ ምድሪ ዝተሃንጸ ስሕታን

ገነት ብኣስተንትኖን ጸሎትን ንስሓን

ጸጋኻ እዩ ዓስበይ ተወኪለ ናባኻ

ምግልጋል እዩ ንቤትካ ሕርየተይ ንስኻ

ብርሃንካ ዘይጠፍእ ኣብ ውሽጠይ ዝበርህ

ብጸጋኻ መሊኤ ንጸልማት ዘይፈርህ

ካብ ገነት ብምስጋገይ

ኣነ ብዘለኒ ኣበሳ

ክናሳሕ ይቅረ ግበረለይ

ነብሰይ ንቤትካ ንኽትወርሳ (2)