ካብ ሐመድ ኣልዒልካ ዘንገስካኒ ጐይታ ቀቢእካኒ

ውርደተይ ኣርሒቕኻ ብኽብሪ ሸፊንካ ቀቢእካኒ

ድኻመይ ስዒርካ ብሐይሊ ኣዕጢቕካ ቀቢእካኒ

ናይ መንግስቲ ክህነት ሕሩይ ክኾነልካ ቀቢእካኒ

ኣብ ከርሲ ኣደይ ከለኹ ግነ ከይተሓሰብኩ ቀቢእካኒ

ዕድመይ ውሑድ ከሎ መዓርገይ ንኡስ ቀቢእካኒ

ካብ መሮር ከለኹ ምስ መጓሰ ኣቦይ ቀቢእካኒ

ደሊኻ ረኺብካኒ ንጉስ ክኾነካ ቀቢእካኒ።

ኣብ በረካ ይሁዳ ኣብ ኣኽራናት ሜዳ ኣይሓደግካንን

ሳኦል ክቐትለኒ ንነፍሰይ ክደልያ ቀቢእካኒ

ካብዚ ዂሉ ከርተት ወጺአ ክነግስ

ቅብኣትካ ምሳይ ኔይሩ ኣይተፈለየንን ኣይሓደገንን።

ትንቢት ተፈጺሙ መንግስቲ ክትህበኒ ቀቢእካኒ

ደኺመ ሐጢአ ዋላ ተበደልኩ ትደልየኒ

ኣብ ስደት በረኻ ኣብቲ ውርደት ሕስረት ቀቢእካኒ

ንኹሉ ሐሊፈ ብዓወት ክድምድሞ ቀቢእካኒ።

ካብ ጸልማት ካብ ሓጢኣት ኣውጺእካኒ ጐይታ ቀቢእካኒ

ንዓኻ ከገልግል መንፈስካዩ ለካ ረኺቡኒ

ካብቲ ክወጸሉ ዘይክእል ዓዘቕቲ ኣውጺእካኒ

ብቅዱስ መንፈስካ ጐይታ ረኺብካኒ ረኺብካ