ዕላማ ሒዙ፡ ዝተሰለፈ

ብዙሕ ዘፍርሕ፡ ሰራዊት ኣምላኽ

ንተጻረርቱ፡ ወትሩ ዝስዕር

ለይትን መዓልትን ብናቱ ሓይሊ

ባሕሪ ተሳጊሩ፡ ኣብ ምድረ በዳ፡ ኩሉ ረጊጹ

ዝውሕዝ ሕዝቢ፡ ምሳኻ ኮይኑ

ርስቱ ረኸበ ኩሉ ስዒሩ

ከም ፍረ ኣድሪ፡ ኣብ ምድሪ ዘርኣ

ጎይታ ከዕብያ፡ ብዙሕ ክትፈሪ

'ቲ ዕቡይ መጸ፡ ረገጻ ብሓይሊ

ሓሲቡ ኔይሩ፡ ከጥፍኣ ካብ ምድሪ

ግን ኣይተኻእሎን፡ ኣምሊጣ ወጸት፡ ከደት ዓበየት

ጎይታ ይመስገን፡ ጨንፈራ ሰፍሐ

ንዝደኸሙ መጽለሊት ኮነት

ኦ ሃሌ - ሉያ፡ ሃሌ ሃሌ ሉያ

እናሰዓረ፡ ዘልዓለም ዝነብር

ከም ኣምላኽና'ዶ፡ ኣሎ መድሓኒ

ዝወዳደሮ፡ ከቶ ኣይርከብን

ብኽያቶም ይሰምዕ፡ መሳኺን ደቁ፡ ዘይቲ ይቐብኦም

ኣብ ቤቱ ይተኽሎም፡ ኣብ ኣጸዳቱ

የዕብዮም ባዕሉ፡ ስየ ክመስሉ