ኣብ ጽሙው ሃዋህው ናይ በይንኻ ጸሎት

ሰላም ይሰፈነካ ናይ ዕረፍቲ ህሞት

ብድምቀት ክትጽሊ ነቲ ሓያል ኣምላኽ

ገብርኤል ክመጽእ ተላኢኹ መልኣኽ

ገብርኤል ክመጽእ ተላኢኹ መልኣኽ

ብኣኻ እቓኒ ውሽጢ ኣካላተይ

ንስምካ እደሊ ፍቅሪ ሰብነተይ

ወትሩ እናፍቀካ ክርኢ ንገጽካ

ኣብ ሰማይ ክሕጎስ ምስቶም ቅዱሳንካ

ኣብ ሰማይ ክሕጎስ ምስቶም ቅዱሳንካ

ጥዑም ጥዒሙኒ መዝሙረይ ክቓኒ

ንስምካ ክዝምር ሓጎስ ይመልኣኒ

ፍሉይ'ዩ ባህሪኻ እዚ ኢልካ ዘይንገር

ፍጹም ጥዑም'ዩ ረጊጽካ ዘይስገር

ፍጹም ጥዑም'ዩ ረጊጽካ ዘይስገር

ምስ ዕንባባ መሮር ክርኢ ፍጡርካ

ሓጎስ ይመልኣኒ ብመዝሙር ኣዕዋፍካ

ሰምካ ወትሩ ግኑን ኣብነት ዝኾንካ

ኣበይ’የ ዝረኽቦ ቦታ ናይ ሰላምካ

ኣበይ’የ ዝረኽቦ ቦታ ዕረፍትኻ