ብክፉእ ሓሳብ ምስ ተኸለልኩ

ኣቦ ብጽሒተይ ሃበኒ ክብል ተዛረብኩ

ዘለኒ ጠርኒፈ ናብ ርሑቕ ገስገስኩ

ንስጋይ ዝሕጉስ ትምኒተይ’ውን ረኸብኩ

ርሕሩሕ ኣቦይ ግን ካብ ዝወጽእ ኣትሒዝካ

ብኽፉእ ተግባረይ ብመሪር ሓዚንካ

ግን ንግብረይ ብዓቢ ምሕረት ጠሚትካ

ተማዕዱ ነበርካ ክምለስ ናብ ቤትካ

ኣብቲ ዓዲ ጓና ስሒቐ ዓንዲረ

ብዕብዳን ጽላለ ፈቐዶ ሓዲረ

ኣየቕለብኩሉን ሃብተይ እንክዝረ

ኩሉ ጠሊሙኒ ጁባይ ምስ ዓወረ

ብመሪር ስእነት ምስ ተኸለልኩ

ተረፍ ሓሳሙ ሃረር ኢለ ምስ ሰኣንኩ

ናብ ኣቦይ ክኸይድ ከምዚ ክብል እናበልኩ

ሕስረት ተጎልቢበ ቤቱ ተመለስኩ

ኣቦየ መወዳእታ ዘይብሉ በደል በዲለካ

ባርያ ግበረኒ ትሕቲ ኩሎም ባሮትካ

ኣነስ ኣይበቅዕንየ ክበሃል ውሉድካ

ደንግጸለይ ኣቦየ ኣንብረለይ ኢድካ (8)