ፍቅሪ መስዋእቲ ከም ዝሓትት

ርእየዮ እየ ኣብ መስቀል ቀራንዮ

ካሕሳ ሓጥያተይ ጎይታ ዝኸፈሎ ክብሪ ነዓኻ(4)

ተመስገን ኣምላኸይ ኣብ ጽላልካ ምዕቓበይ (2)

ድኹም ሕልናይ ብመንፈስካ ይሕደስ

ሓጥያተይ ኣንጺሕካ ናብ መንገድኻ ክምለስ

ክንዲ ኩሉ ህያብ እምነት ኣብ ልበይ ሰዂዕካ

ብጥዋፍ ምሕረትካ ሰላመይ ዘብራህካ

ክሕይል ዘጽናዕካ

ኣምላኽ ፍቅሪ ካብ ኮነ

ንብጻየይ ተፍቀርኩ ንእየሱስ ኣፍቀርኩ

ዝለገሰለይ መስዋእቲ ንዕኡ እንተ ኣጽናዕኩ

ናይ ዘልኣለም ቤተይ ኣብ ዑቅባኡ ዘዕቆብኩ

ናይዛ ምድሪ ጽንሖተይ ግዝያዊ ምኻኑ

ኣካይዳይ ኣጸቢቀ ኣካይዳይ ኣንጺሀ

ፍቅሪ ተመጊበ ሓጎስ ክሓፍስ

ኣብ ላዕለዋይ ቤትካ ብስምካ ክነግስ

ንሰናይ ንዕየ(2) ንሰናይ ንስዓብ(2)

ብፍቅሪ ሓይልና ብፍቅሪ ክንጸግብ

ናይቲ ሕያው ቤት ንምውራስ ካብ ሓጥያት ንናገፍ

ሓድሕድ ንፈቃቀር ኣብ ሰማይ ቤት ክንወርስ