ናባኻ ዘብለሉ ኣንፈተይ ዘይስሕተሉ

መዝሙረይ ዝቓንየሉ ልመናይ ዘስምዓሉ

ከቢረ'የ ብአኻ ኢየሱስ ዝሕጎሰሉ

ከቢረ'የ ብአኻ ኢየሱስ ዝሕጎሰሉ

መንገድኻ ዝረኽበሉ ብተስፋ ዝኸደሉ

ብስጋኻን ደምካን ሕይወተይ ዝምግበሉ

መዓስ ኮን ይኸውን ኣፍ ደገኻ ዝበጽሓሉ

መዓስ ኮን ይኸውን ኣፍ ደገኻ ዝበጽሓሉ

ናይ ምድሪ ግዝኣተይ ኩሉ ተወዲኡ

ናይ ዓለም ስንባተይ ግዚኡ በጺሑ

መዓልቲ ታሕጓሰይ እንሆ ወጊሑ

መዓልቲ ታሕጓሰይ እንሆ ወጊሑ

ፍርድኻ እጽበ ተስፋይ ከይተሓለለ

ንኹሉ ገዲፈ ኣብ ቃልካ ተወኪለ

ኣብ ቅድመኻ እቀውም ንኹሉ ሰጊረ

ኣብ ቅድመኻ እቀውም ንኹሉ ሰጊረ

ርድኣኒ ተቐበለኒ ኣብ ኩሉ ድኽመታተይ

ስምዓዮ ንድልየተይ ተቀበሎ መስዋዕተይ

ይቓኒ ኣለኹ ብድኹም መዝሙረይ

ይቓኒ ኣለኹ ብድኹም መዝሙረይ