ኣብ ቅድሚ ኣምላኽን ቅድሚ ኩሉ ሰብን

ነቢይ ዝነበረ ብግብርን ብቓልን

ንሞት ዝተዋህበ ብዓበይትን ካህናትን

ንኢየሱስ ናዝራዊ ጌርና ኣርእስትና

መንገዲ ኤማሁስ ንጐዓዝ ነበርና

በቲ ዝኾነ ኹሉ እናተዘራረብና።

ኣንፈትና ነጸብቕ ንዝበለጸ ጉዕዞ

ፍታወይዩ ኢሉ ኢየሱስ ዝሕዘዞ

ቦታ በረኸትና ኢየሩሳሌም ካብ ኮነት

እኔና ንጐዓዝ ንሱ ናብ ዝበሎ

ሓይሊ ንኽንለብስ ነቲ ዝስዕብ ዕዮ

ነቲ ዓቢ ስሙ ንዓለም ከነውርዮ።

ተንሲኡ'ዩ ንሱ ወጺኡ ካብ መቓብር

ብዛዕባ ዓወቱ እኔና ንምስክር

እወ ተንሲኡ'ዩ ተንሲኡ ብሓቂ

ኣብ መንጎ ኣምላኽን ሰብን ኮይኑ ዓራቒ

ንኃጢኣት ኣርሒቑ ኣምጺኡ'ዩ ጽድቂ (2)።

ኣብ ተስፋ ምቑራጽና ኣጆኹም ዝበለና

ብምግላጽ ናይ ቃሉ ዘንደደ ልብና

ክንድይብ ዓቐበት ክንወርድ ቁልቁለት

ንዝሓገረና ብጽሓና ናብ ዓወት

ብምሉእ ልብና ሎሚ ነመስግኖ (2)።