ፍትወት ዓለም ድሌት ስጋ ሒዙኒ

ህርፋን ሃብቲ ስስዐ ገንዘብ ወሪሩኒ

ግርማ ለቢሱ ዘብለጭልጭ ዓይነይ ማሪክዎ (2)

ግዝኣት ዓለም በርቲዑኒ...በርቲዑኒ

ጭፍራ ሰይጣን ጎቢጡኒ... ጎቢጡኒ

ምቁሕ ሰንሰለት ዓለም ኣሲሩኒ...ኣሲሩኒ

ዕምቆት ባሕሪ ስልሚ ኮይኑ ውሒጡኒ...ውሒጡኒ

ንዓካ ክረክብ እናተጸዓርኩ

በሊሕ ሰይፉ ኣብ ቅድመይ ተተኪሉ

ጉዕዘይ ክኩለፍ ተስፋ ክቆርጽ

ኣብ ማሕንቆ ኣትየ ብጸበባ ክጭፍለቅ (2)

ኣእዳወይ ዘርጊሐ ንሰማይ ኣንቃዕሪረ

ሰራዊትካ ክጽውዕ ከናፍረይ ኣድመጸ

ደጋጊመ ጸዋዕኩ ብዙሕ ውን ደከምኩ

ዓይነይ ከፊተ ንተስፋ ኣማዕደኩ

ደመና ሰማይ ኣፍደገ ከፍቱ

ከዋክብቲ ሰማይ ኣብ ዙርያ ተስፋ የንጸባርቁ

ወርሕን ጸሓይን ንክብራ ይደምቁ ... ንክብራ ይደምቁ

ኩሎም ደቂተስፋ ሲለኣ ይሰግዱ... ሲለኣ ይሰግዱ...ሲለኣ ይሰግዱ

ሓቂ ሰሪቀ ብርሃን ተስፋ ኣብ ገጸይ ክበርህ

ንዘልኣለም ቤቱ ውን ክወርስ

ምስቶም ቅዱሳን እውን ክሓብር

ኣብ ሰማይ ገነት ብሓጎስ ክነብር... ብሓጎስ ክነብር

ንክብሪ ዝፋኑ እውን ክውድስ.. እውን ክዝምር

ክብሪ ምስጋና ንዓካ ንዘልኣለም

ህያው ንጉስ

ብመገዲ ሓቂ ዝመራሕካኒ

ውሉድ ተስፋ ኢልካ ዝቐባእካኒ