ኣብ ሕይወተይ ዝጀመርካዮ ተግባር እናፈጻምካ

ኣብ ንእስነተይ ዝፈለምካዮ ሠናይ መመሊስካ

ኣብ ግሽነተይ ዘሰነኻኒ ዘመን ደጋጊምካ

እንትርፎ ምስጋናይ ካልእ የለን ዝህበካ /2/

ኣብ ገደል ዘሎ ሕይወተይ ህላወ ኣዊጅካሉ

ዘለኽዎ ኣጻድፍ መውጽኢ ፈጢርካሉ

ኦሮማይ ዝተባህሎ ምንባረይ ሠናይ ፍጻመ ደምዲምካሉ

ኦሮማይ ዝተባህሎ ምንባረይ ዳግማይ ዘርኢ ዘሪእካሉ /2/

ስለይ መስቀል ምስካም መጺጽ ሓሞት ምቕባል

ከም ሰራቂ ምንጥልጣል ስምብራተይ ምዝናን

ብውርደትካ ኣኽቢርካኒ ብሞትካ ሕይወት ሂብካኒ

ድሕነተይ ደሊኻ ኣርዑተይ ሰቢርካ /2/

ንስኻ ስለ ዘለኻ’ዩ ምንባረይ ትርጉሙ

ስምካ ትምክሕተይ ምዃኑ ንመንገደይ ብርሃኑ

ምኽርታትካ ኣለቢሙኒ ምሳይ ምዃንካ ኣሕቢኑኒ

ብዓወት ኣሳጊርካኒ ንኹሉ ኣሕሊፍካኒ /2/

ብቁዕ እንተ ኾይኑለይ ሓደ ዝቅኒቱ ጸሎት

ብቅዓት እንተለዎ ሓደ ዝቅኒቱ ቛንቛ

ውሬታ ምስጋና ይፍልፍል ኣሎ ኣብ ልበይ

ተቀበሎ ፍትወይ ባርኾት ናይ ሕይወተይ

ውሬታ ምስጋና ይፍልፍል ኣሎ ኣብ ልበይ

ተቀበሎ ኢየሱሰይ ባርኾት ናይ ሕይወተይ