ኣብ’ቲ ላዕላይ ቤት ኣላ ንግሥቲ

ዘለዓለም ክብርቲ ብኹሉ ምስግንቲ

ኪሩቤል ሱራፉኤል ዘኽብርዋ መቅደስ

ናይ ቅዱሳን ክብሪ ሕርይቲ ፍጥረት

ወርሕን ከዋኽብቲን ኣብ ርእሳ ጌራ

ትነብር ኣላ ኣብ ሰማይ ከቢራ

ቅዱሳት መልኣኽቲ እናገልገልዋ

ብምስጋና ማኅሌት እናወደስዋ

ጽሩይ ወርቂ ዘቦ ማርያም ዝኽዳንኪ

ኣብ የማን’ቲ ንጉሥ ኣኽሊል ዝደፋእኪ

ኣብቲ ቤት መንግስቱ ልዕል ዘበለኪ

ሞገስ ንኽንረክብ ወትሩ ነኽብረኪ

ካብ ኩለን ኣንስቲ ዝተባረኽኪ ኢኺ

ኃይሊ መንፈስ ቅዱስ ኣጽሊሉ ኣብ ዙርያኺ

ቅዱስ ወዲ ኣምላኽ ሓዲሩ ኣብ ከርስኺ

ፍቓድ ናይ`ቲ ልዑል ስለ ዝኣመንኪ

ንልምን ኣሎና ናብ ርሕርሕቲ ኣዴና

ሰላምን ርግኣትን ክሰፍና ዓለም

ብምሕረት ወዳ ክትበጽሕ ህዝብና

ዘለዓለም ክንነብር ምስ ፈቓር ኣምላኽና