ተሓጎሲ ምልእተ ጸጋ እግዚኣብሔር ምሳኺ እዩ

ሓይሊ እቲ ልዑል ኣብ ዙርያኺ ክብሪ ንዓኺ /2/

ተሓጎሲ ምልእተ ጸጋ እግዚኣብሔር ምሳኺ እዩ /4/

ከዋኽብቲ በሪሆም ባና ኣድሚቆም

ዙፋናት ኣርያም መብራህቶም ወሊዖም

ፍጡር ብምልኡ ማዕሪጉ ኣብ ዙርያኺ

ክብርኺ ይገልጹ ይምህለሉ ናባኺ /2/

ግዜኡ ምስ ኣኸለ ብመልኣኽ ተበሲርኪ

ከመይ ኢሉ በልኪ ስንባድ ሓዲሩኪ

መንፈስ ቅዱስ ወሪዱ ኣባኺ

መሪጹ ነዓኺ ኣደ ልዑል ክትኮኒ/2/

ኤልሳቤጥ መስከረት ነቲ ዕብየት ናትኪ

ብድምጺ ሰላምታኺ ህጻን ክሰራስር

ዘደንቅ ስራሕ ኣምላኽ ተፈጺሙ ኣባኺ

ዘይቅየር ዛንታ ንኹሉ ማራኺ /2/

ዕብየቱ ዘይውሰን መድሕን ጠነስክዮ

ዘይልካዕ እሳት መለኮት ፆርክዮ

ወርቃዊት መሳልል ኣምላኽ ዘቐመጣ

ደቂ ሔዋን ናባኺ ንልምን ቆላሕታ/2/