ተመስገን ኦ ጎይታ

ንዓና ክትጓሲ ዘይተሓለለካ

ንዓና ክትእብድ እውን ዘይሰልከኻ(2)

እትሕልወና ከይንጠፍእ ደቅኻ

ሕያዋይ ጓሳ ኣይረኤኹን ከማኻ(2)

ቃላት ጠፊኡኒ ከመስግን ንዓኻ

ሓደ’ኳ ስኢነ ዝመስል ንዓኻ(2)

እንታይ ክህበካ እንታይ ከቕርበልካ

እንታይ ክኸፍለካ ነቲ ኩሉ ውዕለትካ(2)

ኣሕዋት ሓብሩኒ ቃላት ወስኹኒ

ከመስግን ፈጣሪ ነቲ ዝረድኣኒ(2)

ካብ ላዕሊ ናብ ውሽጢ ዝርኢ እቲ ዓይኑ ምድሪ መርገጽ እግሩ ሰማይ’ውን ዝፋኑ(2)

እንታይ ኢለ ክዛረብ ቃላት ይሓጽረኒ

ንዓኻ ክውድስ ልበይ ገዲዱኒ(2)

ኣሕዋተይ ነመስግን ነቲ ዘድሓነና

ምእንቲ ክንረክብ ብድርብ ዓስብና(2)

ትሕትና ክትምህር ድኽነት መሪጽካ

ምእንቲ ሓጥያትና ኣብ መስቀል ወዓልካ(2)

ስለቲ ለውሃትካ ስለቲ ምሕረትካ

ኣነ ሓጥያተኛ እንታይ’የ ዘቕርበልካ(2)