ሕግኻ ሓጐስ ልበይ እዩ፥ ናይ ዘለዓለም ርስተይውን ንሱ እዩ።

ንሕግኻ ክሳዕ ዕለት ሞተይ ክሕልዎ ኣንቂደ ኣሎኹ።

ነቶም ብምሉእ ልቦም ዘየምልኹኻ ሰባት እጸልኦም፥ ኣነ ግና ሕግኻ ፈቶኹ።

ንስኻ መዕቈብየይን ሓላውየይን ኢኻ፥ ኣብ ቃልካ ተስፋ እገብር ኣሎኹ።

ቃልካ ንስጉምተይ ፡ ንመንገደይ ብርሃን

ብሕይወት ክነብር ካብ ኩነኔ ጸላም

ስለይ ስለ ሓጥእ ኣብ መስቀል ዝወዓልካ

ሰላም ንኽረክብ ሕይወትካ ዘሕለፍካ፡

ሕይወትካ ዘሕለፍካ

ቃልካ ተስፋይ እዩ መድሓኒ

ኣብ ቤትካ ክነብር ባህጊ ኣሎኒ

ቃልካ ተስፋይ እዩ መድሓኒ

ኣብ ቤትካ ክነብር ባህጊ ኣሎኒ

እግዚኣብሔር ቃላትካ እንብዛ ጥዑም'ዩ

ንኸናፍረይ ውን ካብ መዓር ዝበለጸ

ባህጊ ኣሎኒ ኣብ ልበይ ትእዛዛትካ ክሕሉ

ናይ ዘልኣለም ቤት ተስፋይ ካባኻ'ዩ

ምሕረትካ ንዘልኣለም ጸኒዑ ይነብር

እሙን ምዃንካ ውን ፈጺሙ ዘይቅይር

መሰረታት ዝፋንካስ ጽድቅን ቅንዕናን'ዩ

ርሕራሔኻ ድማ ንውሉድ ወለዶ'ዩ፡

ንውሉድ ወለዶ'ዩ

ብዓይኒ ምሕረትካ ጠምተኒ

ከም ተስፋ ቃላትካ ኣድሕነኒ

ሽዑ ኣብ ቅልጽምካ ተወኪለ

ንተጻረርተይ ምላሽ ክህቦም

ኦ ኣምላኸይ ሕግኻስ ክንደይኮን ሰናይ'ዩ

ቃላትካስ ጎይታየ ድንቅን መስተንክርን

ንገርህታት፡ ጥበብን ምስትውዓልን ሃቦም

ንዝሕልውዎ ድማ የሐጉሶም