ንዓካ ዝጽበዩ ከቶ ከምዘይሓፍሩ

ንባሕሪቀላያት ከምዝሰግሩ

ንሰማያት'ውን ከም ዕፍ ከምዝበሩ

ኣብ ላዕለዋይ ሃገር እዉን ከምዝነብሩ

ከይትጥልመና ክይተሕፍረና

ከም ተፍቕረና ከም ትሓልየልና

ብማርያም ኣዴና ቃል ኣቲካልና

ፍቕርካ ዓቢ ኣዝዩ መስተንክር

ንልቢ ዘቃጽል ህዋስ ዘበራብር

ረቂቅ'ዩ ከማካ ምግላጽ ዘሸግር

ወፍየልና የሱስ ምሳካ ክንነብር

ሰይጣን ምስ ባሮቱ እንተፈከረልና

ኣፍልቡ ነፊሑ እንተ ኣፍጥጥልና

ንስካ ኢካ ናትና ዋልታ ትኮነልና

ካብቲ ርጉም ራውያ እውን ተድሕነና

ሓጢኣተ ነይረ ናብ ቤተይ ክምለስ

ኣእዳውካ ዘርጊሕካ እበልካ ክምስ

ተቀበለኒ ዎ ጎይታይ የሱስ

ርህሩህ ናይ ብሓቂ መንፈስካ ትኩስኩስ