ኦ ፍጽምቲ ድንግል ኣደ ናይ ጎይታና

ናባኺ ንሙዕቖብ ኣደ ክትኮንልና

ሕራይ ኢልኪ ኢኺ እኖ ዝኾንክልና

ካብ እግዚ/ር ኣቦ ከተማልድልና

ሓለዋኺ ደልዮም እንካብ ዝጎየዩ

ልመናኽን ረዲእትክን እንካብ ዝለመኑ

ሓደ እኳ ኣይጠፍአን ሰሰኑ ድኣ እምበር

ነዓና ውን ሓግዝና ክንበቅዕ ምስክር

ናይ ማርያም ኣዴና ፍሉይ`ዩ ዕቤታ

ከም ሰባት ኣብ መሬት ዘይበለየ ሥጋኣ

ብቅዱሳን መልኣኽቲ ንሰማይ ፈሊሳ

ተግባር ናይ ኣምላኽና ዓቢ`ዩ ኣብ ልዕሊኣ

ኦ ውቅብቲ ግርማ ብርሃን ዝዓሰላ

ዓሰርተ ክልተ ከወኽብቲ ዝ`ኣኽሊላ

ሓውቲ መላእኽቲ ናይ ሰማይ መሳልል

ንጹሓን ግበርና ክንርእዮ ንልዑል

ብርኽቲ ሞንጎኛ ዓሌት ደቅ ሰብ

ካብ ወድኺ ለምኒ ሰላም ንኽንረክብ

መቅደስ ናይ ሥላሴ ዝዓሰላ ክብሪ

ኣደ`የ ምስ ወድኺ ዘልኣለም ክበሪ /3/