ከምቲ ታቦት ኣምላኽ መንበርኡ ጽሩይ ወርቂ

ንዓኺ ማርያም ሕያው ቃል ኣምላኽ ዝጾርኪ

ኣንጺሑ ኣጽርዩ ኣዳልዩኪ ልዑል ፈጣሪ

ንጽሕቲ ታቦት ሓዲሽ ኪዳን መንታን ክትኮኒ

ከም ንጉስ ዳዊት ኣብ ቅድሚ ታቦት ኣምላኽ

ከም ሕጻን ዮሓንስ ኣብ ከርሲ ኤልሳቤጥ

ድምጺ ኣደ ጎይታይ ሰሚዐ ልበይ ክሰራሰር

ንጽሕቲ ኣደይ እንሆ ንዓኺ ይጽበይ

ዝተወደአ ኣጋንእ ጥዑም ወይኒ ክመልእ

ዘመን ንብዓትና ዘመን ዕልልታ ክልወጥ

ኣምላኽ ሂቡና ንዓኺ ክትኮኒ ኣዴና

ድልየትና ዘበለ እንካብ ጎይታ ክትልምንልና

ኦ ንጽሕቲ ድንግል ንግስቲ ሰማይ

ሓዳስ መርከብ ኖህ ጸዋሪት ኤልሻዳይ

ኦ ዳግማዊት ሄዋን ኣደ ህያዋን

ርሕርሕቲ ኣደ ጸግዒ ሓጢኣተኛታት