ንኣይ ክትስልም ብጸጋ ፍቅርኻ

ሕሱም ንብረተይ ኃጢኣተይ ርኢኻ፡

ኣነ እንክኹብልል ኣብ ዓለም በረኻ

ኣርኣያ ግዙእ ኣዳም ኃረኻ (2)

ኢያቄም ሓና ጻድቃናት ወለዲ

ብርሃን ፈረየ ንሰማይ መንገዲ፡

ዕንባባ ገነት ናይ ሰማያት ዘውዲ

ፈረየት ሕይወት ናይ ወይኒ ጉንዲ (2)

ሕይወት ናዝሬት ዝመልኦ ትሕትና

ምስ ማርያም ዮሴፍ ሰብ ኪዳን ንጽሕና፡

ጉሩም ኣብነት ዝኸውን ንኣና

ክንክተለካ ኃይሊ ሃበና (2)

ንኣይ ክትደሊ ዝጠፍአት በጊዕካ

ኣእላፍ መላእክቲ ኣብ ሰማይ ኃደግካ፡

ንጉሥ ሰማያት ትሕትና ለቢስካ

ካብ ኵሉ ነገር ፍቕረይ መረጽካ (2)

ኵሎም ክብሉኻ ኣምላኽ ዝዓበደ

ፍቕረይ ከናዲ ካብ ላዕላይ ወረደ፡

ንኣይ ክትደሊ ኣብራኽካ ረዓደ

እንክፈትወካ ፍቕረይ ወሓደ (2)