ንህይወተይ ካብ ጥፍኣት ዝተበጀዋ

ብሳህልን ምሕረትን ዝሓለዋ

ንሱ ንምርድአይ ኣዝዩ ፍጡን ኢዩ

ግብሩ ዘገርም መስተንክር`ዩ

ግብሩ መስተንክር`ዩ

ንድሕነት ህይወተይ ዝኸፈሎ ዋጋይ

ኣምላኸይ ስሙ ይኽበረለይ

ስሙ ብሩኽ ይኹነለይ

ምስ ጸበበኒ ናብኡ ተጸጋዕኩ

ጾረይ ከቢዱኒ ደግፈኒ በልኩ

ብሓይሊ መንፈሱ ዕረፍቲ ዝህበኒ

ከምኡ ኣይረኸብኩን ደገፍ ዝኾነኒ (2)

ጸግዐይን ዕርደይን እቲ ዝውከሎ

ኣምላኸይ ክበር ክበር ይብሎ (2)

ብግርማን ብኽብርን ዝተኸበበ

ኩሉ ስልጣናት`ውን ናቱ ዝገበረ

ናይ ሓያላን ሓያል ናይ ነገስታት ንጉስ

ንጎይታ የመስግን እብል ቅዱስ ቅዱስ (2)

ኣብ ሰማይን ምድርን ኣብ ዝኾነ ስፍራ

ኣምልኾ ክብሪ ምስ ምስጋና

ይኹኖ ንጎይታ ይግባእ ንጎይታ