ፍቅሩ ኣይልወጥን ቃሉ ኣይኣርግን

ንዘለዓለም ዓለም ክብሪ ንኣኡ ይኹን፡

እግዚኣብሔር ኢዩ መድኃኒየይ ክብረይ

ፍቕረይ ክገልጸሉ ብቓና መዝሙረይ

ኣልፋን ኦሜጋን'ዩ ናይ ኵሉ መዓዛ

ምሕረቱ ዘይውዳእ ናይ ነፍሳትና ቤዛ፡

ንኵሉ ዚክእል ጉድልነት ዘይብሉ

ሃሌሉያ እናበልኩ ሞሳ ክመልሰሉ

ሓልዮቱ ብዙኅ'ዩ ንዓይ ዝገበሮ

ክቡር ጸጋ ኣምላኽ ኣብ ልዕለይ ኣስፈሮ፡

ሃሌሉያ ይኽበር ኤልሻዳይ ኣምላኽና

እናበልኩ ክዝምር ፈቐዶ ጐደና

ፍጹም ከይወሰንኩ ሰዓታት ወይ ቦታ

ዝነገርኩዎ ኵሉ ዘይርስዕ ጐይታ፡

ዝለመንኩዎ ኵሉ ዘይጠልም ጐይታ

ምስጋና ይግበኦ ምስ ሙሉእ ይቕሬታ

ስራሑ ዓቢይ'ዩ ብጣዕሚ ዘደንቅ

ፍርዱ'ውን ቅኑዕ'ዩ ፍጹም ዘይንቕነቕ፡

መሓርን ጻድቕን ምሉእ ህልውና

ንኣኡ ጥራይ ይኹን ክብሪ ምስ ምስጋና