ኣህዛብ ኣይፈለጡን ብሰሪ ዕሽነቶም

ምእንትኦም ኢልካ ኣብ መስቀል ከም ዝወዓልካ

እቲ ኹሉ ስቅያት ምእንቲ ዕዳ ሓጥያት

ተቀበልካዮ ርሕሩሕ ኣንታ ለዋህ ጎይታ

ፍቅሪ ገዲዱካ እምበር ከኣሊ ኩሉ ኢኻ

ፍቅሪ ገዲዱካ እምበር ፈጣር ዓለም ኢኻ /2/

ቐይሕ ባርኖስ ከዲኖም ንጉሥ ክብሉኻ

ብዘንጊ ክወቅዑኻ ርእስኻ

መሪር ሓሞት መጺጽ እንከስትዩ`ኻ

ንወሃቢ ዝናብ ማይ ክኸልኡኻ

ፍቅሪ ገዲዱካ እምበር ከኣሊ ኩሉ ኢኻ

ፍቅሪ ገዲዱካ እምበር ፈጣር ዓለም ኢኻ /2/

ኣህዛብ ከላግጹልካ እስከ ወዲ ኣምላኽ እንተ ዄንካ

ካብቲ መስቀል ውረድ እሞ ሽዑ ክንርእየካ ሽዑ ክንኣምነካ /2/

ግና’ኸ ኣይፈለጡን ብሰሪ ኃጢኣቶም

ከም ተሳቐኻ ከም ተዋረድካ

ከም ተሳቐኻ ጎይታይ

ሰኣን ምፍላጦም`ዩ እምበር ጎይታይ

ንስኻ`ስ ናይ በሓቒ መድሕን ኢኻ

ንስኻ`ስ ናይ በሓቒ ንጉስ ኢኻ

ንሕና`ውን ሎሚ ልብና ኣንጺሕና

ምሳኻ ክንትንሥእ ካብ ኃጢኣት ተሓጺብና/3/