ድኹም ፍጥረት'የ የብለይን ጽንዓት

ደግፈኒ እየሱስ ገስጾ ማዕበላት

መግባ ነፍሰይ ብቕዱስ ምስጢራት

ክውስኽ እምነት ክምስክር ብትብዓት /2/

ከይክሕዶ ስምካ ኮይነ ከም ይሁዳ

ገሃነም ከይከውን ነዛ ነፍሰይ ፍርዳ

መንፈስካ ኣዕጥቐኒ ብትብዓት ክጉዓዝ

እምነተይ ክብርትዕ ዘልኣለም ክዓዝዝ /2/

ልዑል ኣምላኸይ እምነት ወስኸኒ

ኹሉ ክኽእሎ ብጸጋኻ ምርሓኒ

ሲኦል ከይወድቕ ኣጽኒዕካ ሓዘኒ

ምስ ቅዱሳንካ ቤትካ ኣውርሰኒ /2/

ሓለፋ ኣለዎ እቲ ፍሉይ ፍቕርኻ

ሰመያዊ መግቢ ናይ ሕይወት እንጌራ

ብድኹም እምነተይ ከይርሕቕ ካብ ቤትካ

ዑረት ልበይ ፈውስ በቲ ቅዱስ ቃልካ

መስቀለይ ክጸውር ወትሩ ክስዕበካ

ጎይታ'የ መድሕነይ ክኸውን ውሉድካ /2/