ወትሩ ኣብ ጸጽባሕ ይሕደስ ህይወተይ

መሊሱ ይደምቕ ይኹላዕ መንፈስ ኣእምሮይ

ፍቕርኻ ይዛይድ የንጀርብብ ኣብ ልዕለይ

ጎይታየ መድሕነይ ወትሩ ክበረለይ

ጎይታየ መድሕነይ ልዕል በለለይ

ብዘይካኻ ካልእ የለን

ንስኻ ኢኻ ኣንታ ለዋህ ኢየሱስ

ኣነ ናባኻ‘የ ዝጽጋዕ ሓልወኒ ጎይታ/ኢየሱስ

ጎይታ ልዑል መድሓኒ

እምባይ ዋልታይ ኖኣይ መጽለሊ

ብዘይካኻ መን ኣሎ ፈጣሪ

ጎይታ ኩሉ ፍጥረት መጽለሊ

ኣነ ብዘይካኻ መን ኣሎኒ

ኣነ ኣብ ሕቑፍኻ ይሕሸኒ

ጎይታይ ንስኻ እንሆ ይውድሶ ክንዲ ኩሉ ንዓይ ዝኾንካኒ

ንስምካ ይባርኽ ኣሎ ልበይ ደስ እናበሎ

የመስግን ኣሎኹ ኣብ ዘለኹ ሃልየ

ተመስገን‘ዩ ቛንቛይ(2) ድማ ክብል`የ(2)

ንስኻ ንሓጥኣተይ ትሓድገለይ

ንኹሉ ጸገማተይ ትፈትሓለይ

ካብ ጥፍኣት ንሂወት ትመልሰኒ

ዘልኣለማዊ ምሕረት ተልብሰኒ

ኣንታ ርሕሩሕ ፈቃር ኣምላኸይ

ርሕራሔኻ ይነግስ ኣብ ልበይ

ንስኻ ኢኻ ክንዲ ኩሉ ንዓይ

ንውዕለትካ ክነግር ልሳነይ