በዛ መዓልቲ`ዚኣ

ኩሉ ደስ ኢሉኒ ኩሉ ባህ ኢሉኒ

ኩሉ ቀኒዑለይ ኩሉ ሰሚሩለይ

ብኡ ደስ ኢሉኒ ንዓይ ብኡ ባህ ኢሉኒ ንዓይ

ደስ ደስ ኢሉኒ ንዓይ ባህ ባህ ኢሉኒ ንዓይ

ኩሉ ሰሚሩለይ ንዓይ ኩሉ ቀኒዑለይ ንዓይ

ዓቕመይ ፍጹም ዘይክእሎ ነቲ ዘሕምቐኒ

ጎይታ ምስ ነገርክዎ ዘራይ ኮይኑኒ

ሎምስ ዘራይ ረኺበ መን ይድንድነኒ

እቲ ጎይታ ዘልኣለም ኣያ ኮይኑኒ

ናብራይ ሎምን ትማልን ፍልልይ ርእየሉ

ብተስፋን ብመንፈስን ኮይነ ልዕሊ ኩሉ

ጎይታ`ለኒ ባዕሉ (3) በዛ መዓልቲ`ዚኣ

ንሽግረይ ዝፈትሖ መን`ዩ መን ምስ በልኩ

ኣነ ዝብል ስኢነ ይጭነቕ ነበርኩ

ነቲ ጾር ናይ ዝባነይ ስኢነሉ ዓቕሚ

ንኹሉ ደርበኹሉ ነቲ ጎይታ ዓቕሊ

ነቲ ጾረይ ብምጻር ኣጆኻ በለኒ

እነኹ ኣነስ ብጎይታ ደስ ደስ ኢሉኒ

ብኡ ባህ ኢሉኒ (3) በዛ መዓልቲ`ዚኣ

ኣብ`ቲ ግዜ ጸበባይ ዝፈሰሰ ዓቕመይ

ንሱን ክንድኡን ሂቡ ተክኦ ንድኻመይ

ሓይለይ ኣሐዲስዎ ክዘልል ጀሚረ

ደስ ደስ ኢሉኒ ዳግም ተፈጢረ

እንታይ ክህብ ወይ ክብል ስለ ሰናይ ግብሩ

ብቓና ብመዝሙረይ ባዕለይ ክዘለሉ

ዕልል ዘይብለሉ (3) በዛ መዓልቲ`ዚኣ