እግዚኣብሄር ከምዚ እንዳበለ ንነብያት ደቁ ይምሕጸን

ኣብ ድቃስኩም ከይትጠፍኡ ነፍሲ ወከፍ ይበራበር

ከምተን ለባማት ደናግል ቀንዴልኩም ዘይቲ ምልእዎ

እቲ ህያው ኣምላኽ ምስ መጸ ነቒሕኩም ተቐበልዎ

ሰይጣን ዝበልዖ ደልዩ ከምዝጋዘም ኣንበሳ

ኣብ ዙርያኹም ይጓዝም ኣሎ ንነብስኹም ክርምሳ

ስለዚ ፍለጥዎ ኣትዂርኩም ተቓወምዎ

ብሓይሊ ዂናት ናይ ኣምላኽ ዓጢቕኩም ተዋግእዎ

መዓልቲ ከም ሰራቒ ኮይኑ እዩ ዝመጽእ

ትኽስታኹም ኣጥእዎ ሓደ እኳ ኣይዘንግዕ

ዕጠቑ ተዳለዉ ኣጽዋር ኣምላኽ ልበሱ

ልብኻትኩም ኣጽርይዎ ጽኑዕ መንፈስ ተሓደሱ

ድሌትና እዩ ሃረርታና፡ ክንረክብ ሕይወት ዘለዓለም

ፍጹም ኣይጠቕመናን እዩ፡ ሓጎስ ናይዛ ዓለም

ብሳህልን ምሕረትን ማሚቕና፡ ክንነብር ኣብ ሑቕፎኻ

መወዳእታና ኣጸብቕ፡ ጠምተና ብምሕረትካ