ንማርያም መግደላዊት ካብ ምንዝርና

ንስምኦን ካብ ገፋፊ ዓሳ

ንማቲዎስ ካብ መኽፈሊ ቀረጽ

ንዘኪዎስ ካብ እንዳ ተግውቲ መሪጽካ

ነታ ሳምራዊት ሰበይቲ ካብ ጽምኢ ማያ

ንሓማት ስሞኦን ዓሶ ሓሚማ ኸላ

ነታ መበለት ካብ ሞት ናይ ወዳ

ነዞም ኩሎም ኣብ ከምዚ ከለዉ ኣፍቂርካ

ንስጋይ ካብ ዓዘቕቲ ሓጢኣት

ንነብሰይ ካብ ግዛት ናይ ጸልማት

ንሕይወተይ ካብ ዘልኣለም ጥፋኣት

ዝተበጀኻያ ኢየሱስ ፍቕሪ ኢኻ

ናይ ውሽጠይ ፍጹም ትፈልጦ

ንሸኸመይ ቀንጢጥካ ተራግፎ

ንጭንቀት ልበይ ከም ጸሎት ትርእዮ

ንድኻመይ ዉን ኩሉ ትርድኦ

ሰብ ነቲ ክቡር ይሓሪ ይደሊ

ንስኻ ግን ነቲ ድኹም ትሓሪ

ባህሪያትካ ፍሉይ’ዩ መስተንክር

ፍቕርኻ ሓሲበስ እነኹ ይዕልል