1 መንገድን ሓቅን ሕይወትን ኣነ'የ

ትንሳኤ ናይ ሙታን ኣነ ባዕለይ እየ

እብለኩም ኣሎኹ ፍቑራት ደቀየ

ንዑ'ሞ ውረሱ መንግስተ ሰማይ።

2 መፈጸምታን ተስፋን ባዕለይ ክህበኩም

ሓሲበ ኣሎኹ ፍጹም ከንቅሓኩም

ክትደልዩኒ'ሞ እኔኹ ክብለኩም

መደበይ እዚ'ዩ ደቀይ ባህ ይበሎኩም።

3 ኣነ እየ ባዕለይ'ቲ ሕያዋይ ጓሳ

ንልቢ ዘህድእ ንነፍሲ ዝመልስ

ዝኣምን ኪድሕን ኪወጽእ ኪኣቱ

መጓሰ ክረክብ ኮይኑ ምስ ኣሓዋቱ።

4 ናይ ሕይወት እንጀራ ኣነ እየ ባዕይ

ንስጋይ ዝበለዕ ዝሰቲ'ውን ደመይ

ይነብር ዘለዓለም ጸኒዑ ብሓይለይ

ይእዘዝ ንቓለይ ከይበለ እምብለይ።

5 ንስኻዶ ኣይኮንካን ንዓለም ብርሃኑ

ትፈጥር ተዕቢ ትልውጥ ንኹሉ

ኣብ ውሽጢ ከቢርካ ዙርያኻ ትሕሉ

ተመስገን ኣምላኽና መዘና ዘይብሉ።