ነዊሕ መንገዲ ከሎ ኣብ ቅድመይ

ከይጀመርክዎ ኣብዩኒ ኣብራኸይ

እቲ መከራ ኣመና ምስ በዝሐ

ነዚ ርእዩ ብርከይ ረዓደ

ስለ'ዚ ጎይታይ ከይተርፍ ኣብ መንገዲ

ሽግርን መከራን ኮይኖምኒ ዓንዲ

ድኻምነተይ ካባይ ኣርሕቀለይ

ጸጋኻ ሃበኒ ንኹሉ ኣኽእለኒ

እቲ መንገዲ ኣጸጋሚ ጸቢብ ጸልማት

ምሕርቃም ኣስናን ዝበዝሖ ኣውያት

እሾኽ እናወግኦ ኣድምይዎ ነእጋረይ

ኣመና መሪሩኒ ተሸኒፉ ነፍሰይ

ስለ'ዚ ጎይታይ ጫማ ግበረለይ

ዳንዴረ እሾኸ ከይቆስሎ ነእጋረይ

ናይ ጸጋ ልብሲ ቆርበት ኣልብሰኒ

ኩሉ ከም ዝኸእል ንኹሉ ኣኽእለኒ

ይቕረ ምባል ምስ በደለኒ ሓወይ

ኣሸኒፍዎ ቂም ኣይከኣለን ልበይ

ክንዲ ምምራር ነቶም ኣሳደድተይ

ተንሢኤ ክብቀሎም ክንዲ ሕነይ

ንዝበደለኒ ይቕረ ኢለ ክሓልፎ

ናይ ቂምታ ልበይ ኦ ጎይታይ ሕለፎ

ንኹሉ ክኽእል ኃይሉ ብዝህበኒ

ከምዝተበሃለ ንዓይ'ውን ኣኽእለኒ