ነይሩ ግዜ ዘማረርኩሉ

ነይሩ ግዜ ተመስገን ዘይብልኩሉ

ነይሩ ግዜ ካብ ገጽካ ዝሃደምኩሉ

ነይሩ ግዜ ሠናይ ዘይመኽረሉ /2/

ውሉድ ክነሰይ ባርያ ዝኾንኩ

ኩሉ ከለኒ ዘይብለይ መሰልኩ

ኩሉ ከለካ ካባኻ ረሓቕኩ

ንሕይወተይ ጣዕሚ ሰኣንኩ/2/

ኣይዘኽተምኩን ኣሎኒ ዝሓሊ

ብሥጋኡን ደሙን ወትሩ ዝዕንግለኒ

ብጸጋ በረኸት ኣብ ቤቱ ተኸቢበ

የመስግን ኣለኹ እነኹ ተለዊጠ /2/

ስለ ዝኾንካለይ ኣቦ ብዘይመለሳ

ስለ ዘኽበርካኒ ዘይንገር ብዓውታ

ከመስግን ክነብር ንምሉእ ዘመነይ

እንተ ክኢለዮ ንሱ`ዩ ዘሎ ኣብ ልበይ /2/

ዓጊበ`የ ብኣኻ ዓጊበ . . . ዓጊበ`የ

ቀሲነ`የ በኣኻ ቀሲነ . . . ቀሲነ`የ

ኣኽቢርካኒ ጎይታይ ኣኽቢርካኒ . . . ኣኽቢርካኒ

ኣይዘኽተምኩን ኣሎኒ ዝሓሊ . . . ኣሎኒ ዝሓሊ /2/