ዝተወፈካ ምእንቲ ድሕነትና

ዝተሳቐካ ምእንታና

ኣይትቕጸሮ በደላትና

ብሓጥኣትና ክንእረም ኢና

ንብለካ ስምዓና ኦ መድሓኒና

ሓይልካ ሃበና ከበራብረና

ደቕካ ኢና ውሉድካ ኢና

ፍጥርካ ኢና ባሮትካ ኢና

ኣምላከይ ኣይትርስዓና

ንዘልኣለም ዋልታ ኩነና

ብግዝያዊ ናብራ እንከይተታለልና

እምነትና ነደልድል ኩላትና ሓቢርና

ኣምላክና ነገልግል ሓይሉ ክህበና

ኣብነት ንክኖም ነቶም መሳቱና

ንብለካ ስምዓና ኦ መድሓኒና

ሓይልካ ሃበና ከበራብረና

እቲ ርጉም ሰይጥን ከየጋግየኒ

ሓጥኣተ እየ ዎ ጎይታይ መድሓኒ

ለውጣ ንልበይ ሓይልካ ሃበኒ

ሓደራ ጎይታየ ናብቤትካ ኣእትወኒ

ንብለካ ስሞዓና ኦ መድሓኒና

ሓይልካ ሃበና ከበራብረና

ንኣምላክ መድሓኒና ነመስግኖ ነክብሮ

ነቲ ርጉም ሰይጥን ውሽጥ ልቡ ነሕርሮ

ንዘምር ሓቢርና ብጸናጽል መሰንቆ

ተግባራት ናይ ሰይጥን ካብ ልቢ ነርሕቆ

ንብለካ ስሞዓና ኦ መድሓኒና

ሓይልካ ሃበና ከበራብረና