ንዓ ባዕልኻ ምርሓኒ

መንገድታትካ መሃረኒ፡

ኣብ ሽግረይ ኣጸናንዓኒ

ንዅሉ ሐቂ ኣፍልጠኒ።

ብሓቂ መታን ክምራሕ

ብሓጢኣተይ'ውን ክንሳሕ፡

ገጽ ኣቦ ክሪኢ ኣብ ጸጽባሕ

ንዓ ኣብ ሕይወተይ ስራሕ።

ንቓልካ መታን ክምስክር

ኣውጽኣኒ ካብ ጸልማት ድንግርግር፡

ካብ ሓጢኣት ርሒቐ ክሕደስ

ንዓ ኣብ ውሽጢ ልበይ ንገስ።

ንሕጊ እግዚኣብሔር ከይጥሕስ

ኣብጭቃ ናይ ሓጢኣት ከይሕምብስ፡

ኣብ ሰማይ ብሓጢኣት ከይውቀስ

ለውጠኒ መንፈስ ቅዱስ ጰራቅሊጦስ።

ተጊሄ መታን ክጽሊ

ናይ ሰይጣን ፍሕሶ ከለሊ፡

ኵሉ ከርሕቆ ዝኾነ መታለሊ

ንዓ ናይ መንፈስ ቅዱስ ሓይሊ።

ንዓ ብብርሃንካ ምርሓኒ

መፍቀሪ ክኸውን ሓግዘኒ፡

ብህያባት መንፈስካ ምልኣኒ

ካባይ ኣይትፈለ ሓይሊ ሕይወት ኩነኒ።