ኣብ ሐዊ ብሐዊ ምስትሓልፍ ንትብሎ እንዳዘከርኩ

ኣብ ማይ ብማያት ምስትሓልፍ ንትብሎ እንዳሓስብኩ

ኣብ ሕማመይ ንሕማመይ ኩሉ ዝጾሮ

እንዳስተንተንኩ ብእምነት እጉዓዝ ኣለኹ።

ብእምነት ክጋደል'የ ብእምነት ክጐይ'የ

ብእምነት ክግስግስ'የ ብእምነት ክጐዓዝ'የ

ብእምነት ናብ ዓስቢ ዓውት።

ድያብሎስ ኣብ ዙርያኹም ከም ኣንበሳ ይጓዝም

ምስ ስጋን ደምን ኣይኮነን ቅልስና ንዝብል

ዝነገረን ዝመሃረንን ህያው ቃል እናሓሰብኩ

ብእምነት እጋደል ኣለኹ።

ብእምነት ክጋደል'የ ብእምነት ክጐይ'የ

ብእምነት ክግስግስ'የ ብእምነት ክጐዓዝ'የ

ብእምነት ናብ ዓስቢ ዓውት።

ሕጂ ብዋግዋግ መነጽር ንርእዮ ዘሎና

ብእምነት'ውን ኣኽሊል ንምጭባጥ ንጐይ ኣለና

ድሓር ግን ንኽቡር ገጹ ክንርእዮ ኢና

ምስኡ'ውን ንዘልዓለም ክንነግስ ኢና።